CHELSEA WAIPIGA MTU 9 ARSENAL!

RATIBA/MATOKEO:

**Saa za Bongo

Jumamosi Septemba 19

Chelsea 2 Arsenal 0               

1700 Aston Villa v West Brom                  

1700 Bournemouth v Sunderland             

1700 Newcastle v Watford              

1700 Stoke v Leicester          

1700 Swansea v Everton                 

1930 Man City v West Ham             

++++++++++++++++++++++

Chelsea Leo wameanza kufufua matumaini ya kutetea Taji lao baada ya kuwafunga Mahasimu wao wa Jijini London Mtu 9 Arsenal Bao 2-0 katika Mechi ya Ligi Kuu England iliyochezwa Uwanjani Stamford Bridge.

Baada ya kuanza ovyo kwa kufungwa Mechi 3, Sare 1 na Kushinda 1 tu na kujikuta wako Nafasi ya 17 wakiwa Pointi 11 nyuma ya Vinara Man City, Leo Chelsea walikamia ushindi na Diego Costa alihakikisha hilo baada ya kuwachokoza Mabeki wa Arsenal na kusababisha Sentahafu wao apande jazba na kutolewa nje kwa Kadi Nyekundu.

Katika Dakika ya 44 ilizuka purukushani kati ya Diego Costa wa Chelsea na Laurent Koscielny wa Arsenal na Costa kuonekana kumpiga Koscielny kisha kumusukuma kwa Kifua hadi chini lakini, kwa mshangao mkubwa, Refa Mike Dean hakumwadhibu Costa kama ilivyotegemewa na badala yake kuwapa Kadi za Njano Costa na Sentahafu wa Arsenal anaetoka Brazil Gabriel.

Dakika moja baadae Gabriel alitolewa nje kwa Kadi Nyekundu baada ya kumrushia teke Costa.

Hadi Haftaimu, Chelsea 0 Arsenal 0.

Kipindi cha Pili Dakika ya 53, Frikiki ya Fabregas iliunganishwa kwa Kichwa na Kurt Zouma na kuwapa Chelsea Bao.

Dakika ya 79, Arsenal walibaki Mtu 9 baada ya Kiungo wao Santi Cazorla kupewa Kadi ya Njano ya Pili na kutolewa nje kwa Kadi Nyekundu.

Eden Hazard aliipa Chelsea Bao lao la pili katika Dakika ya 91 baada ya Shuti lake kumbabatiza Alex Oxlade-Chamberlain na kutinga.

VIKOSI:

Chelsea: Begovic; Ivanovic, Zouma, Cahill, Azpilicueta; Matic, Fabregas; Pedro, Oscar, Hazard; Diego Costa

Akiba: Blackman, Terry, Mikel, Ramires, Loftus-Cheek, Falcao, Remy.

Arsenal: Cech; Bellerin, Gabriel, Koscielny, Monreal; Coquelin, Cazorla; Ramsey, Ozil, Sanchez; Walcott

Akiba: Ospina, Debuchy, Gibbs, Chambers, Arteta, Oxlade-Chamberlain, Giroud.

REFA: Mike Dean

LIGI KUU ENGLAND

RATIBA:

**Saa za Bongo

Jumapili Septemba 20

1530 Tottenham v Crystal Palace            

1800 Liverpool v Norwich      

1800 Southampton v Man United