TOP 10 YA WACHEZAJI WAKALI AMBAO HAWAJAWAHI KUTWAA BALLON d’Or

TOP 10 YA WACHEZAJI WAKALI AMBAO HAWAJAWAHI KUTWAA BALLON d’Or

10. Arjen Robben

Mchezaji wa kimataifa wa Uholanzi Arjen Roben amekuwa ni moja ya wachezaji ambao hawana nyota ya kutwaa tuzo licha ya kuwa na kiwango cha juu takribani miaka 10 mfululizo. Anambinu nyingi, mchapakazi, maamuzi sahihi na kasi ya ajabu nivitu ambavyo vinamfanya kuwa mchezaji hatari zaidi uwanjani.

Ameshashinda mataji yote isipokuwa kombe la dunia ambalo timu yake ilishika nafasi ya pili mwaka 2010 nchini Afrika Kusini na wakawa watatu mwaka 2014 nchini Brazil. Jina lake limekuwa likorodheshwa mara kadhaa kwenye orodha ya kuwania mchezaji bora wa dunia FIFA Ballon d’Or lakini hajawahi kutwaa uzo hiyo.

Ni aina ya mchezaji ambaye inapendeza kumtazama na huenda tukalitambua hilo baada ya kumaliza muda wake wa kucheza soka miaka michache ijayo.

Medali ambazo Robben ameshatwaa hadi sasa

• Eredivise title
• Premier League title x2
• FA Cup
• Football League Cup x2
• La Liga title
• Bundesliga title x 3
• DFB- Pokal x 3
• Champions League
• UEFA Super Cup
• World Club Cup

9. Alessandro Del Piero

Del Piero ni mchezaji anaekumbukwa kwa ufundi wake ‘master of his art’. Juventus ilikuwa kama jukwaa la yeye kupigia show. Amekipiga ndani ya Serie A, Champions League pamoja na kombe la dunia la mwaka 2006, enzi zake akiwa na Maldini, Canavaro na Baggio palikuwa hapatoshi.

Kitu cha kushangaza ni kwamba, hajawahi hata kukaribia kushinda tuzo ya Ballon d’Or. Alitakiwa kushinda tuzo hiyo na wote tunajua hilo.

“Yeye ni tofauti na Zidane, anapenda kucheza, anapenda kutoka moyoni; kati yake na mfaransa (Zinedine Zidane) nasimama upande wake”, Diego Maradona.

8. Steven Gerrard

Wote tunafahamu mafanikio ya legendary huyu wa Liverpool pale Anfield. Kitu kikubwa cha kukumbukwa ni ubingwa wa Champions League wa mwaka 2005 ambao ulikuwa ni ubingwa wa kihistoria kwenye mchezo wa soka. Sio Legend wa Liverpool pekee, bali ni EPL na mchezo wa soka kwa ujumla.

Alicheza kwa moyo wakati yupo Liverpool na hakuona haya kuonesha wazi mapenzi yake kwa klabu yake. Ukiangalia kwenye makabrasha ya rekodi huoni jina lake kwenye orodha ya wachezaji waliowahi kutwaa tuzo kubwa.

“Amekuwa mchezaji mwenye ushawishi mkubwa England”, Sir Alex Ferguson.

“Kwa kazi aliyoifanya, ni miongoni mwa mashujaa”, Ronaldinho.

Mataji aliyoshinda Gerrard akiwa Liverpool

• FA Cup: 2001,2006
• Football League Cup: 2001,2003,2012
• FA Community Shield: 2006
• UEFA Champions League: 2005
• UEFA Cup: 2001
• UEFA Super Cup: 2001,2005

7. Raul Gonzalez 

Kama ilivyo kwa Ryan Giggs, ni vigumu kuelewa kwanini mkongwe wa Real Madrid Raul Gonzalez hakunyanyua tuzo ya FIFA Ballon d’Or. Hadi sasa anabakia kuwa mfungaji wa muda wote wa kikosi cha Los Blancos akiwa ametupia kambani jumla ya magoli 323.

Ameifungia timu ya taifa ya Hispania magoli 40, ameshinda UEFA Champions League mara tatu. Hakuwa mchezaji mwenye mambo mengi uwanjani lakini mafanikio yake yalitosha kumfanya ashinde tuzo hiyo.

“Nataka nimtakie nahodha kila lakheri kwasababu alikuwa nguzo ya mafanikio kwa watu wengi na timu, na amekuwa mtu ambaye watu wengi wanatakiwa kumtazama kwasababu alichokifanya na alichokiamini. Asante kwake na kwa timu, na nakutakia mema kwenye career yako”, David Beckham.

Medali za Raul akiwa Real Madrid 

• Intercontinental Cup: 1998, 2002
• UEFA Champions League: 1997–98, 1999–2000, 2001–02
• UEFA Super Cup: 2002
• La Liga: 1994–95, 1996–97, 2000–01, 2002–03, 2006–07, 2007–08
• Supercopa de España: 1997, 2001, 2003, 2008

6. Peter Schmeichel 

Mashabiki duniani kote watakubali kuwa, katika kipindi chake alikuwa ni golikipa wa kiwango cha ajabu kuwahi kutokea kwenye mpira wa kisasa. Alishinda mataji matano ya ligi na UEFA Champions league maarufu ya mwaka 1999. Alikuwa ni golikipa mwenye kiwango ambacho iliwafanya wachezaji pinzani wamuhofie golikipa huyu wa zamani wa kikosi cha Manchester United. 

5. Thierry Henry

Ni ngumu kuelewa ni kwanini Thiery Henry hakutwaa tuzao ya Ballon d’Or. Mchezaji huyo wa zamani wa Arsenal mara kadhaa aliikaribia tuzo hiyo lakini aliishia kuikosa mbele ya wachezaji kama Andriy Shevchenko mwaka 2004 licha ya ukweli kwamba  alikuwa na mafanikio makubwa mwaka huo.

Rekodi za Henry zinafahamika sana. Bado ni mchezaji pekee aliyehinda mara nyingi kiatu cha dhahabu kwenye EPL. Mshindi mara tano wa tuzo ya chezaji bora wa Ufaransa, mfungaji wa muda wote wa Arsenal, mchezaji mwenye magoli mengi kwenye timu ya Ufaransa, na mshindi mara tatu wa tuzo ya mchezaji bora wa mwaka ya FWA.

4. Paul Scholes

Ni ngumu kwa mashabiki wa Manchester United kuamini kwamba kiungo wao mahiri kwa miongo miwili amemaliza mpira wake bila kutwaa tuzo ya Ballon d’Or. Bado anaonekana yuko fiti mara kadhaa ambazo anaonekana kwenye mechi za wakongwe huku wengine wakisema bado alikuwa anauwezo wa kucheza kwa miaka mingine kadhaa ijayo.

Lakini tayari mkongwe huyo hayupo tena kwenye soka la ushindani na sehemu pekee unayoweza kumuona ni kwenye uwanja wa mazoezi au kwenye majukwaa ya viwanja akiwa kama mtazamaji.

“Kati ya wachezaji wote wa Manchester United, ningemchagua Scholes-ni kiungo bora wa kizazi hiki. Ningefurahi kucheza pamoja nae”, Pep Guardiola.

Medali alizowahi kutwaa Scholes

• Premier League (11): 1995–96, 1996–97, 1998–99, 1999–2000, 2000–01, 2002–03, 2006–07, 2007–08, 2008–09, 2010–11, 2012–13
• FA Cup (3): 1995–96, 1998–99, 2003–04
• Football League Cup (2): 2008–09, 2009–10
• FA Community Shield (5): 1996, 1997, 2003, 2008, 2010
• UEFA Champions League (2):1998–99, 2007–08
• Intercontinental Cup (1): 1999
• FIFA Club World Cup (1): 2008

3. Paolo Maldin

Hakuna shaka kuwa huyu ndiye beki bora wa muda wote. Ameshinda kila taji ambalo kwenye mchezo wa soka. Kutoka Serie A, Champions League hadi kombe la dunia Maldini ameshinda yote. Japo Ballon d’Or ilimpitia pembeni kwa muda wote aliocheza soka, mwaka 1994 alikuwa watatu nyuma ya Hristo Stoichkov na Roberto Baggio.

Alishika namba tatu tena mwaka 2003 wakati huu akishindwa na Pavel Nedved. Ni aibu kwamba

Makombe ambayo Maldini ametwaa akiwa AC Milan

• Serie A (7): 1987–88, 1991–92, 1992–93, 1993–94, 1995–96, 1998–99, 2003–04
• Coppa Italia (1): 2002–03
• Supercoppa Italiana (5): 1988, 1992, 1993, 1994, 2004
• European Cup/Champions League (5): 1988–89, 1989–90, 1993–94, 2002–03, 2006–07
• UEFA Super Cup (5): 1989, 1990, 1994, 2003, 2007
• Intercontinental Cup (2): 1989, 1990
• FIFA Club World Cup (1): 2007

2. Ryan Giggs

Alilipendezesha soka la England katika historia ya soka. Alicheza mechi 963 akiwa na Manchester United akifanikiwa kushinda mataji 34. Sababu za kwanini Giggs hajawahi kushinda tuzo ya Ballon d’Or ni kitendawili ambacho hakijapatiwa majibu hadi sasa.

Watu wengine wanaweza kusema Giggs hana historia nzuri akiwa na timu yake ya taifa lakini wanasau Andriy Shevchenko alitwaa tuzo hiyo mwaka 2004 huku akiwa hana historia hata ya kukaribia kushinda taji lolote akiwa kwenye timu ya taifa.

Mafanikio aliyopata Giggs akiwa Manchester United

• 963 games for Manchester United
• 672 league appearances
• 151 Champions League appearances
• 109 league goals
• 45 opponents in the Premier League
• 34 trophies
• 13 Premier League titles
• 4 FA Cups
• 2 Champions Leagues
• 1 club World Cup

1. Xavi Hernandez 

Ukweli kwamba Xaxi Hernandez kutoshinda FIFA Ballon d’Or ni aibu si kwa FIFA na UEFA pekee bali ni aibu kwa soka kwa ujumla. Watu wengi wanasema kwamba, Messi billa Xavi na Iniesta anakuwa mtu mwingine tofauti kabisa. Alikuwa ni injini ya timu kwa miaka mingi. Alikaribia kutwaa tuzo hiyo lakini haikuwezekana.

Johan Cruyff: “Kama Xavi asipokuwa sawa basi Barcelona haitacheza vizuri kwa kiwango kilekile kama ilivyozoeleka. Ni mtu ambaye anamiliki na kuamua mchezo. Kucheza kwake kunairuhusu timu kucheza. Yuko tofauti”.

Medali ambazo Xavi amevaa akiwa Barcelona

• La Liga: 1998–99, 2004–05, 2005–06, 2008–09, 2009–10, 2010–11, 2012–13, 2014–15
• Copa del Rey: 2008–09, 2011–12, 2014–15
• Supercopa de España: 2005, 2006, 2009, 2010, 2011, 2013
• UEFA Champions League: 2005–06, 2008–09, 2010–11, 2014–15
• UEFA Super Cup: 2009, 2011
• FIFA Club World Cup: 2009, 2011
• International
• FIFA World Cup: 2010
• UEFA European Football Championship: 2008, 2012
• Summer Olympics Silver Medal: 2000
• FIFA Confederations Cup Silver Medal: 2013
• FIFA World Youth Championship: 1999