COPA AMERICA: BRAZIL NJE, PARAGUAY YASHINDA

Brazil, kama walivyofanywa Mwaka 2011, Usiku huu huko Nchini Chile kwenye Estadio Municipal Alcaldesa Ester Roa Rebolledo Mjini Concepción, wametolewa kwa Mikwaju ya Penati 4-3 na Paraguay kwenye Robo Fainali ya mwisho ya Mashindano ya Kombe la Mataifa ya Marekani ya Kusini, COPA AMERICA, baada ya Sare ya 1-1 katika Dakika 90.

Katika 90 za kawaida, Mzoefu Robinho aliipa Bao Brazil Dakika ya 15 alipounganisha Krosi safi ya Dani Alves.

Bao hilo lilidumu hadi Haftaimu.

Paraguay walisawazisha kwa Penati ya Derlis González katika Dakika ya 72 baada ya Silva kuunawa Mpira.

Hadi Dakika 90 kwisha Bao zilikuwa 1-1 na ndipo ikaja Tombola ya Mikwaju ya Penati Tano Tano.

Timu zote zilifunga Penati zao za kwanza kwa Brazil kupitia Fernandinho na Paraguay kupitia Martinez lakini Brazil wakakosa ya Pili aliyopiga Ribeiro na Caceres kuifungia Praguay na kuongoza 2-1.

Brazil walisawazisha kwa Penati ya Miranda na Paraguay kwenda 3-2 kwa Penati ya Bobadilla huku Douglas Costa akiikosesha Brazil Penati ya 4 na kuwafanya wawe nyuma 3-2 lakini Santa Cruz, ambae alitakiwa afunge tu na kuipa ushindi Paraguay, nae alikosa.

Penalti ya mwisho ya Brazil ilifungwa na Coutinho lakini Paraguay wakashinda Mechi hii kwa Penati yao ya 5 na ya mwisho iliyopigwa na yule yule aliewasazishia kwa Penati ndani ya Dakika 90, Derlis González.

Matokeo haya yanaifanya Paraguay, kwa mara ya pili mfululizo, kuitoa Brazil kwenye Mashindano haya, kwenye hatua hii hii, kwa Mikwaju ya Penati kwani Mwaka 2011 huko Argentina waliwabwaga Brazil kwa Penati 2-0 baada ya Brazil kukosa Penati zao zote 4.

Paraguay sasa wapo Nusu Fainali na watacheza na Argentina hapo Jumanne wakati Jumatatu ni Nusu Fainali nyingine kati ya Wenyeji Chile na Peru.

VIKOSI: 

Brazil ( Mfumo 4-2-3-1): Jefferson; Alves, Silva, Miranda, Luis; Fernandinho, Elias; Willian, Coutinho, Robinho; Firmino.

Paraguay ( Mfumo 4-4-2): Villar; Aguilar, Da Silva, Bruno Valdez, Piris; Gonzalez, Caceres, Aranda, Benitez; Santa Cruz, Nelson Valdez.

REFA: Andrés Cunha (Uruguay)

COPA AMERICA

RATIBA/MATOKEO:

ROBO FAINALI

Jumatano Juni 24

Chile 1 Uruguay 0

Alhamisi Juni 25

Bolivia 1 Peru 3

Ijumaa Juni 26

Argentina 0 Colombia 0 (Penati-Argentina washindi 5-4)

Jumamosi Juni 27

Brazil 1 Paraguay 1 ( Penati-Paraguay washindi 4-3 )

NUSU FAINALI

Jumatatu Juni 29

Chile v Peru (Saa 8 na Nusu Usiku)

Jumanne Juni 30

Argentina v Paraguay (Saa 8 na Nusu Usiku)

MSHINDI WA 3

Ijumaa Julai 3

(Saa 8 na Nusu Usiku)

FAINALI

Jumamosi Julai 4

(Saa 5 Usiku)