VAN GAAL HANA SHAKA NA ROONEY, MAGOLI YAPO TU!

• Print
• Email

Louis van Gaal hana  shaka na Wayne Rooney licha ya Kepteni wake huyo wa Manchester United kutofunga Bao katika Mechi 10 za Ligi Kuu England.

Rooney, mwenye Miaka 29, ndie Mfungaji Bora wa England na sasa anainyemelea Rekodi ya Ufungaji Bora Klabuni Manchester United inayoshikiliwa na Sir Bobby Charlton ya Mabao 249.

Kwenye Historia ya Ligi Kuu England, Alan Shearer ndio mwenye Rokodi ya Ufungaji Bao nyingi akiwa na Mabao 260 akifuatiwa na Andy Cole, aliewahi kuichezea Man United, aliefunga Bao 187 na Wayne Rooney anazo Bao 185.

Licha kuwa na ukame wa Mabao kwenye Ligi, Rooney alipiga Hetitriki hivi karibuni wakati Man United inaiinyuka Klabu ya Ubelgiji, Club Brugge, katika Mechi ya Mchujo ya UEFA CHAMPIONZ LIGI.

++++++++++++++++++++++++

MAN UNITED

Wafungaji Bora:

-Sir Bobby Charlton: Mechi 758 Mabao 249

-Dennis Law Mechi 404 Mabao 237

-Wayne Rooney Mechi 484 Mabao 233

++++++++++++++++++++++++

Akiongea na Wanahabari hapo Jana kuhusu Mechi yao ya Ligi Kuu England ya Jumapili ya Ugenini na Southampton, Meneja wa Man United, Louis van Gaal, ameeleza: “Sijali nani anafunga. Tunapaswa kufunga Bao nyingi zaidi. Ukitawala Mechi unapaswa kufunga Bao zaidi. Rooney anayo Magoli. Na pia Juan Mata, Memphis Depay, Anthony Martial, Marouane Fellaini. Rooney amefunga Bao nyingi Man United, anaikaribia Rekodi ya Klabu. Natumaini ataivunja Rekodi.”

Rooney alizikosa Mechi 2 za Man United zilizopita baada ya kuwa na maumivu Mguuni lakini sasa yupo fiti kucheza Mechi hii ya Jumapili..

LIGI KUU ENGLAND

RATIBA:

**Saa za Bongo

Jumamosi Septemba 19

1445 Chelsea v Arsenal              

1700 Aston Villa v West Brom              

1700 Bournemouth v Sunderland          

1700 Newcastle v Watford          

1700 Stoke v Leicester               

1700 Swansea v Everton            

1930 Man City v West Ham                  

Jumapili Septemba 20

1530 Tottenham v Crystal Palace          

1800 Liverpool v Norwich 

1800 Southampton v Man United